ព័ត៌មានថ្មីៗ
Home / ទំព័រដើម / អភិបាលខេត្តមណ្ឌលគិរី ស្វាយ សំអ៊ាង និងមន្ត្រីជំនាញថ្នាក់ខ្ពស គួរត្រូវដកតំណែងនិងនាំខ្លួនទៅតុលាការ រឿងបទល្មើសព្រៃឈើសែនធ្ងនធ្ង ជាមួយឧកញ៉ាសឹងសំអុល

អភិបាលខេត្តមណ្ឌលគិរី ស្វាយ សំអ៊ាង និងមន្ត្រីជំនាញថ្នាក់ខ្ពស គួរត្រូវដកតំណែងនិងនាំខ្លួនទៅតុលាការ រឿងបទល្មើសព្រៃឈើសែនធ្ងនធ្ង ជាមួយឧកញ៉ាសឹងសំអុល

ការិយាល័យព័ត៌មានទូរស័ព្ទលេខ 092 464 205

មណ្ឌលគិរី៖ ជុំវិញរឿងបទល្មើសព្រៃឈើ ដ៏សែនធ្ងន់ធ្ងនៅក្នុងខេត្តមណ្ឌលគិរី គឺវាបានជាប់ពាក់ព័ន្ធនិងអំពើពុករលួយដ៏ធំមួយដែលប្រព្រិត្តិឡើងជាប្រព័ន្ធ។ហើយអ្នកគួរទទួលខុសត្រូវខ្ពស់ជាងគេ គឺមានលោកអភិបាលខេត្តមណ្ឌលគិរី ស្វាយ សំអ៊ាង និងមេបញ្ជាការកងរាជអាវុធហត្ថខេត្ត មេយោធាខេត្ត រួមនិងមន្ត្រីជំនាញ់ថ្នាក់ខ្ពស់ សំខាន់៥រូបមានដូចតទៅ៖

ទី១៖ លោក សុខ ឃាង ប្រធានមន្ទីរកសិកម្ម រុក្ខាប្រម៉ាញ់និងនេសាទ បុគ្គលរូបនេះចេញ PC អោយក្រុមហ៊ុនដឹកជញ្ជូនឈើទាំងបិទភ្នែក ទោះឈើទាំងនោះ កាប់ពីខាងក្រៅអូសចូលក្រុមហ៊ុនក៏ដោយ។
ទី២៖ លោក កែវ សុភគ៌ ប្រធានមន្ទីរបរិស្ថាន។
ទី៣៖ លោក អ៊ុ វណ្ណសុភក៌ នាយខណ្ឌរដ្ឋបាលព្រៃឈើ ខាងសុីញ៉េPC ហើយអោយឈ្មួញផ្ទុកលើសទំងន់ ឃុបឃិតអោយឈ្មួញដឹកឈើតាមអំពើចិត្ត។
ទី៤៖ ប្រធានការិយាល័យដែនជម្រកសត្វព្រៃស្រែពក ឬហៅថានាយដែនជម្រកសត្វព្រៃស្រែពក ដែលជាបុគ្គលអោយ ឈ្មួញកេណ្ឌប្រមូលមនុស្សទៅបំផ្លាញឈើក្នុងដែនសមត្ថកិច្ចខ្លួនគ្រប់គ្រង។
និងទី៥៖ លោក ហាន សុខន ប្រធានការិយាល័យដែនជម្រកសត្វព្រៃភ្នំព្រិច ឬហៅថា នាយកដែនជម្រកសត្វព្រៃភ្នំព្រិច ជាមេក្លោង អោយវៀតណាមយកគ្រឿងចក្រ ឡាន ត្រាក់ទ័រចូលបំផ្លាញឈើយ៉ាងអនាធិបតេយ្យ!។ ជនខាងលើជាអ្នកទទួលខុត្រូវខ្ពស់ក្នុងសំណូំរឿងបទល្មើសព្រៃឈើសែនធ្ងនធ្ង ជាមួយឧកញ៉ាសឹងសំអុល និងជាមួយឈ្មួញជាច្រើនទៀត។

ប៉ុន្តែពេលនេះ តុលាការទើបតែបានកោះហៅ នាយខណ្ឌរដ្ឋបាលព្រៃឈើខេត្តមណ្ឌលគិរី ប្រធានមន្ទីរកសិកម្ម នាយកដែនជម្រកសត្វព្រៃ នាយការិយាល័យ សរុបចំនួន៥នាក់ ដែលអាចជាប់ពាក់ព័ន្ធទៅនឹងបទល្មើសព្រៃឈើ ត្រូវបានកម្លាំងអាវុធហត្ថ ហៅទៅសួរនាំនៅទីបញ្ជាការកងរាជអាវុធហត្ថខេត្តមណ្ឌលគិរី គឺ ពុំទាន់គ្រប់គ្រាននោះទេ ហើយក៏ពុំទាន់អាចជឿជាក់ថា ដំណើការសំណុំរឿងនេះ ប្រព្រិត្តិទៅបានយុត្តិធម៏ត្រឹមត្រូវនៅឡើយ។ ព្រោះ ស្វាយ សំអ៊ាង អភិបាលខេត្តមណ្ឌលគិរី ដែលជាអ្នកដឹកនាំខេត្តនិងមានអំណាចខ្លាំងជាងគេ លើការគ្រប់គ្រង់ខេត្តទាំងមូល មិនត្រូវបានកោះហៅទៅសាកសួរ។

ករណីនេះគេជឿជាក់ថា សាលាដំបូងខេត្តមណ្ឌលគិរី មិនអាចហ៊ានកោះហៅ លោក ស្វាយ សំអ៊ាង អភិបាលខេត្តមណ្ឌលគិរី ទៅសាកសួរនោះភទេ។ ព្រោះប្រធាន អនុប្រធាន ចៅក្រម ព្រះរាជអាជ្ញារ និងព្រះរាជអាជ្ញាររង នៃសាលាដំបូងខេត្តមណ្ឌលគិរី សុទ្ធតែអ្នកខ្លាចអំណាចចៅហ្វាយខេត្ត។

បញ្ហាបទល្មើសព្រៃឈើដ៏ធំមួយនេះ គួរត្រូវប្ដូសមត្ថកិច្ចតុលាការ ដោយមិនអាចប្រគល់សំណុំរឿងនេះអោយសាលាដំបូងខេត្តមណ្ឌលគិរី ចាត់ការ និងកាន់សំណុំរឿងនេះបានទេ។ ព្រោះមន្ត្រីទាំង៥រូបដ៏សំខាន់ខាងលើ សុទ្ធតែជាមនុស្សធ្លាប់មានការទំនាក់ទំនង់ល្អជាមួយប្រធាន អនុប្រធាន ចៅក្រម ព្រះរាជអាជ្ញារ និងព្រះរាជអាជ្ញាររង នៃសាលាដំបូងខេត្តមណ្ឌលគិរី ។ដូច្នេះពួកគេមានចិត្តអាណិតអាសូ និងការយោគយល់គ្នាទៅវិញ ទៅមក ព្រោះសុទ្ធតែធ្លាប់ ដើរផឹកស៊ី ជិះឡានដើរធ្វើដំណើរជាមួយគ្នា និងអាចជាមិត្តសម្លាញ់និងគ្នាថែមទៀត ដូច្នេះប្រកដជាមានការយោគយល់គ្នា ក្នុងនាមជាមិត្តនៅក្នុងខេត្តជាមួយគ្នា ក៏ដូចជាស្គាល់រាប់អានគ្នា។

សំណុំរឿងបទល្មើសព្រៃឈើនេះនៅព្រឹក និងរហូតមកដល់រសៀល ថ្ងៃទី១៣ ខែកក្កដា ឆ្នាំ២០១៩ មន្ដ្រីទាំង៥នាក់ ដែលត្រូវបានអាវុធហត្ថហៅទៅសួរនាំនោះ ត្រូវបានគេអះអាងថា មានការជាប់ពាក់ព័ន្ធទៅនឹងបទល្មើសព្រៃឈើ
ដែលកម្លាំងថ្នាក់ជាតិកំពុងចេញប្រតិបត្តិការបង្ក្រាប និងចាប់ខ្លួនឈ្មួញឈើ ក្នុងរយៈពេលប៉ុន្មានថ្ងៃនេះ ។
ក្នុងនោះ នឹងជនប្រព្រឹត្តជាច្រើនទៀត រួមនិងអ្នកទទួលសំណូក លាក់បាំងបទល្មើស អាចបន្តហៅសួនាំបន្ត។

សេចក្ដីរាយការណ៍បានអោយដឹងថា៖ មន្ដ្រីទាំង៥នាក់ ដែល

ករណីកោះហៅមន្ត្រីទាំង៥រូបទៅសាកសួរនេះ អាចមានចម្លើយពីក្រុមជនជាប់ចោទ ទើបខាងអាវុធហត្ថ មាន
តម្រុយពិរុទ្ធក្នុងសំណូក លាក់បាំងបទល្មើស ឃុបឃិតគ្នាជាមួយឈ្មួញទើប ហៅមន្ត្រី៥រូបមកសាកសួរ ហើយអាចនិងហៅមន្ត្រីជាច្រើននាក់ទៀតមកសួរនាំនៅថ្ងៃក្រោយ។

ជាញឹកញាប់ លោក ស្វាយ សំអ៊ាង អភិបាលនៃគណៈអភិបាល ខេត្តមណ្ឌលគិរី និងនាយករដ្ឋបាលសាលាខេត្ត របស់គាត់ តែងលើកអំណៈអំណាង ចេញសេចក្តីប្រកាសព័ត៍មាន បដិសេធថាគ្មានបទល្មើសព្រៃឈើទេនៅខេត្តមណ្ឌលគិរី (ប្រជាជនឮចង់ក្អួត)..។ មូលហេតុដែលលោក ស្វាយ សំអ៊ាង អភិបាលនៃគណៈអភិបាល ខេត្តមណ្ឌលគិរី ឆ្លើយដូច្នេះ ព្រោះតែលោកអភិបាលខេត្តរូបនេះបានទទួលប្រយោជន៏យ៉ាងច្រើនពីឈ្មួញឈើធំៗ ក្នុងនោះមានឧកញ៉ា សុឹង សំអុល និងឧកញ៉ាឈ្មួញឈើជាច្រើនទៀត ទើបអភិបាលខេត្តរូបនេះ បើកដៃអោយមានបទល្មើសព្រៃឈើ ដ៏មហាធំធេង ឈ្មួញហ៊ាននាំឈើទៅលក់នៅប្រទេសវៀតណាម ក្នុង១ថ្ងៃៗរាបរយឡានកើតឡើងបាន។

ប្រសិនលោកអភិបាលខេត្តមណ្ឌលគិរី ស្វាយ សំអ៊ាង មិនទទួលបានផល់ប្រយោជន៏ តើគាត់សុខចិត្តនៅឈអោបដៃមើលឈ្មួញដឹកឈើបង្កការខូចផ្លូវថ្នល់មុខផ្ទះឬផ្លូវលោកធ្វើដំណើរក្នុងដែលដីលោកគ្រប់គ្រងទ៍េ ? សរុបមកវិញលោក អភិបាលខេត្តមណ្ឌលគិរី រូបជាប់ពាក់ព័ន្ធក្នុងរឿងព្រៃឈើនេះធំណាស់ គួរតែត្រូវដកហូតតំណែង និងនាំខ្លួនទៅតុលាការថែមទើបត្រូវ។

បើប្រព័ន្ធផ្សព្វផ្សាយបង្ហាញនូវដំណឹង ព័ត៍មាន បង្ហាញពី តថភាព សកម្មភាព បទល្មើសកាប់ អារផ្តួលបំផ្លាញឈើ នៅតំបន់អភិរក្សរក្សាការពារ, ការប្រមូលទិញឈើដោយខុសច្បាប់, ការដឹកជញ្ជូនឈើឆ្លងដែន , ការកាត់PC កើតឡើងដោយអំពើឃុបឃិតគ្នារវាងជំនាញរដ្ឋបាលព្រៃ និងឈ្មួញអូសឈើកាប់ក្រៅពីក្រុមហ៊ុនអោយទៅជាឈើស្របច្បាប់, ដឹកជញ្ជូនឈើផ្ទុកលើសPC , ឡានដឹកឈើ២-៣គ្រឿង ប្រើស្លាកលេខតែ១,ដឹកជញ្ជូនឈើកាច់ចង្កេះឆ្លងទៅវៀតណាម,មានPC១០គ្រឿង ដឹកជាង១០គ្រឿង, ១ឡានមានPC ១៧ម៉ែត្រតីគុណ ដឹកជាង៤០ម៉ែត្រត្រីគុណ,សមត្ថកិច្ច មន្ត្រីរាជការរកសុីបទល្មើសឈើ ,សមត្ថកិច្ច ជំនាញ អាជ្ញាធរ ជាច្រើនស្ថាប័នយកលុយពីបទល្មើសឈើ ,សាច់ឈាមចៅហ្វាយខេត្តរកសុីបទល្មើសឈើ ,!! ។ ផ្ទុយទៅវិញ ចៅហ្វាយខេត្តតែងតែវាយប្រហារថា«ប្រព័ន្ធផ្សព្វផ្សាយនិយាយមិនពិត មួលបង្កាច់ បំផ្លើសព័ត៍មាន ចរិកជាព័ត៍មាន ញុៈញុង បង្ខូចឈ្មោះថ្នាក់ដឹកនាំខេត្តជាដើម»។បច្ចុប្បន្ន កម្លាំងកងរាជអាវុធហត្ថលើផ្ទៃប្រទេស ក្រោមការដឹកនាំបញ្ជាដោយផ្ទាល់ ពីនាយឧត្តមសេនីយ៍ សៅ សុខា ប្រធានគណកម្មការជាតិបង្ក្រាបបទល្មើសធនធានធម្មជាតិ ឃាត់ខ្លួនមេក្លោងបំផ្លាញព្រៃឈើនៅខេត្តមណ្ឌលគិរីបានហើយ នារសៀលថ្ងៃទី៩ ខែកក្កដា ឆ្នាំ២០១៩ គឹឧកញ៉ា សុឹង សំអុល និងបក្ខពួក៣នាក់ទៀត និងចាប់យករថយន្តជាង៤០គ្រឿង និងកំពុងស្ថិតក្នុងតំណាក់ការមន្ត្រីនគរបាលយុត្តិធម៍កងរាជអាវុធហត្ថកំពុងធ្វើកំណត់ហេតុស្តាប់ចម្លើយ តើលោក ស្វាយ សំអ៊ាង ហ៊ានហាមាត់បកស្រាយថា ខេត្តគាត់គ្រប់គ្រងគ្មានបទល្មើសព្រៃឈើទៀតទេ..?

រឿងលោក ស្វាយ សំអ៊ាង អភិបាលនៃគណៈអភិបាល ខេត្តមណ្ឌលគិរី ជាប់ពាក់ព័ន្ធនិងបទល្មើសព្រៃឈើ រហូតដល់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃធ្លាប់ព្រមានចំពោះសកម្មភាពបទល្មើសព្រៃឈើពិតជាកើតមានក្នុងដែនសមត្ថកិច្ចគាត់គ្រប់គ្រង(នៅខេត្តមណ្ឌលគិរី) ក៏លោក ស្វាយ សំអ៊ាង មិនឈឺក្បាលវិលមុខ រហូតដល់មានមតិជាច្រើនបានស្តីបន្ទោសថា៖ បើខេត្តមណ្ឌលគិរីអត់មានបទល្មើសព្រៃឈើ លោក ស្វាយ សំអ៊ាង អត់អង្ករច្រកឆ្នាំងមែនឬ.???

ករណីឃាត់ខ្លួន ឧកញ៉ា សុឹង សំអុល ក្លាយជាសារអបអរសាទរយ៉ាងខ្លាំងពីមជ្ឈដ្ឋានជនរួមជាតិ គាំទ្រលើចំណាត់ការ កងរាជអាវុធហត្ថលើផ្ទៃប្រទេស បំបែកសំណុំរឿងបទល្មើសព្រៃឈើ ខណៈជនរូបនេះជំនាញបំផ្លាញព្រៃឈើ ប្រព្រឹត្តមិនរាងចាលប្រចាំតំបន់ភូមិភាគឥឦសាន្ត ដឹកឈើឆ្លងដែនទៅវៀតណាមយ៉ាងយូរឆ្នាំ គ្រប់រដូវកាល។

ឧកញ៉ា សុឹង សំអុល អោយតែរត់ការបានច្បាប់អនុញ្ញាតកាប់ដាំ និងមានPC ជាដើម ទោះជាក្រុមហ៊ុន ម៉ាស្ទ័រខេសាន់ របស់អត់មានព្រៃឈើ អត់មានឈើក្នុងក្រុមហ៊ុន ក៏ខាងរដ្ឋបាលព្រៃឈើកោះញែក ,រដ្ឋបាលព្រៃឈើខណ្ឌ ,ខាងមន្ទីរកសិកម្មខេត្តកាត់PCអោយដែរ។ ធាតុពិត ឧកញ៉ា សុឹង សំអុល ទិញឈើពីក្រៅក្រុមហ៊ុន តាមតំបន់ព្រៃអភិរក្សការពារ ,ដែនជម្រកសត្វ,តំបន់ព្រៃសហគមន៍, អូសយកមកចូលក្រុមហ៊ុន ,ប្រើកម្មករខ្មែរ ជនជាតិវៀតណាម,គ្រឿងចក្រវៀតណាម មានពេញព្រៃ។ ដោយឡែកខាងបរិស្ថានដែនជម្រកសត្វ,រដ្ឋបាលព្រៃឈើកោះញែក,សមត្ថកិច្ច អាជ្ញាធរ ជំនាញជាច្រើនស្ថាប័ន ពាក់ព័ន្ធនិងប្រយោជន៍សំងំកើបលុយ ,កន្ទេលធំបន្លំដេក ,ជាមន្ត្រីគ្រាប់ល្ពៅប្រភេទលេខ១ , មិនបានបំពេញតួនាទី ភារកិច្ច ទប់ស្កាត់ រក្សាការពារ ទទួលខុសត្រូវក្នុងដែនសមត្ថកិច្ចខ្លួនគ្រប់គ្រងទេ មានតែព្យាយាមលាក់បាំងបទល្មើស,។ បើបែកការណ៍ដល់ថ្នាក់លើ វិញ គឺផ្តល់ព័ត៍មានអោយឈ្មួញសម្រាក,យកគ្រឿងចក្រ ឡាន ត្រាក់ទ័រ មធ្យោបាយបំផ្លាញព្រៃឈើចេញពីក្នុងព្រៃ ដើម្បីបញ្ចៀសការទទួលខុសត្រូវ ពេលកម្លាំងចុះទៅរកមិនឃើញ សកម្មភាពល្មើសទាំងនោះ។
អាចមានជនពាក់ព័ន្ធនិងបទល្មើសបំផ្លាញព្រៃឈើនៅខេត្តមណ្ឌលគិរីច្រើននាក់ទៀត អោយតែជនសង្ស័យ សុឹង សំអុល និងបក្ខពួកហ៊ានឆ្លើយការពិត ក្នុងនោះមានទាំងឈ្មួញប្រព្រឹត្ត និងអ្នកទទួលសំណូក ដូចសម្លកំពឹសអីចឹង…!!!! និយាយរួម អាចតែខាងអាចារ្យវត្ត ,ខាងធម្មការ,ខាងវិចិត្រសិល្បៈ,ខាងបងប្អូនជនជាតិ បងប្អូនជនរួមជាតិប៉ុណ្ណោះមិនឃ្លានអំពើពុករលួយនៃបទល្មើសព្រៃឈើ ,ក្រៅពីនោះតិច ឬច្រើន គឺទៅតាមគេ ទៅតាមឯងដែរហើយ ដោយសារសង្គមតំបន់នោះគេមានបាន ដោយសារបទល្មើសព្រៃឈើ។

មន្ត្រីខ្លះបានលើកឡើងថា៖ ជាបឋមសមត្ថកិច្ចអាច អញ្ជើញចៅហ្វាយ,នាយកដែនជម្រកសត្វភ្នំព្រិក,នាយផ្នែករដ្ឋបាលព្រៃឈើកោះញ៉ែក, មេយោធាកោះញែក,នាយខណ្ឌរដ្ឋបាលព្រៃឈើខេត្ត,ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ,សមត្ថកិច្ច និងអាជ្ញាធរ ជំនាញដ៏ច្រើនស្ថាប័នដ៏ច្រើនទៀតមកសួរនាំ នោះនឹងរកឃើញនូវតម្រុយពិរុទ្ធភាព នៃបទល្មើសព្រៃឈើ,សំណូក,ឃុបឃិត,ផ្តល់មធ្យោបាយ,សហប្រព្រឹត្ត,នេះជាដើម។

ថ្មីៗនេះមានក្រុមហ៊ុនមួយឈ្មោះថា៖«វិចតូរី»មានច្បាប់ពីក្រសួងកសិកម្ម រុក្ខាប្រមាញ់ និងនេសាទ» មានសិទ្ធកាប់-ដាំ លើផ្ទៃដី៦០០០ហិកតា នៅស្រុកកោះញែក ខេត្តមណ្ឌលគិរី។ ធាតុពិតកាប់មែន អារផ្តួលមែន និងបានដឹកជញ្ជូនឈើតាមPC កាច់ចង្កេះទៅវៀតណាមយ៉ាងគឃ្លើន។ ដោយឡែកការដាំគ្មានទាល់តែសោះ ចំណុចនេះ គួរខាងជំនាញក្រសួងកសិកម្ម រុក្ខាប្រមាញ់ និងនេសាទ មេត្តាពិនិត្យឡើងវិញ បន្ទាប់ពីលេចឬថា នាយកក្រុមហ៊ុននេះយកឈ្មោះរដ្ឋមន្ត្រីថាជា«ពូ»របស់ខ្លួន។

សូមរម្លឹកថា៖ ក្រុមហ៊ុនមាន PC បើដឹកឈើស្របតាមច្បាប់មិនអាចរកផលចំណេញបានទេ ខណៈ១ម៉ែត្រត្រីគុណ ទិញចូលនិងរត់ការអស់លុយពី៥០០ដុល្លារ ទៅ៧០០ដុល្លារ ហើយលក់ចេញវិញបានត្រឹម១ម៉ែត្រត្រីគុណត្រឹម៧០០ដុល្លារ ទៅ៧៥០ដុល្លារលើទឹកដីវៀតណាម។ សំខាន់ចំណេញត្រង់រកសុីដឹកជញ្ជូនផ្ទុកលើសPC និងកាច់ចង្កេះតែប៉ុណ្ណោះ។ជាទម្លាប់ខាងក្រុមហ៊ុនមានច្បាប់អនុញ្ញាតពីក្រសួងកសិកម្ម រុក្ខាប្រមាញ់ និងនេសាទ កាប់-ដាំ,មានច្បាប់អនុញ្ញាតវិនិយោគសម្បទាន គឺគាត់តែងយកច្បាប់នោះដើម្បីប្រមូលទិញឈើពីខាងក្រៅក្រុមហ៊ុន តាមតំបន់ព្រៃអភិរក្ស ព្រៃសហគមន៍ ដោយអោយតំលៃគិតពីកាប់គល់១ម៉ែត្រត្រីគុណ ៦០មុឺនរៀល, ដូច្នេះគ្មានក្រុមហ៊ុនណាមួយមិនដើរតាមក្បាច់នេះទេ។

ករណីនេះ សូមសម្ដេចតេជោប្រមុខរាជរដ្ឋាភិបាល និងក្រសួងស្ថាប័នពាក់ មេត្តាមានវិធានការផ្លូវច្បាប់លើលោក ស្វាយ សំអ៊ាង អភិបាល ខេត្តមណ្ឌលគិរី ក្នុងរឿងឃុបឃិតបើកដៃអោយឈ្មួញប្រព្រិត្តិបទល្មើសព្រៃឈើនៅក្នុងដែនសមត្ថកិច្ចខ្លួនគ្រប់គ្រង ហើយកន្លងមកថែមទាំងឆ្លើយថា គ្មានបទល្មើសទៀត ខណៈអាវុធហត្ថឃាត់ខ្លួន ឧកញ៉ា សុឹង សំអុល និងបក្ខពួក៣នាក់ក្នុងបទល្មើសជាក់ស្តែងនេះផង៕

សេចក្ដីជូនដំណឹង គេហទំព័រ ផែនដីថ្មី មានកត្តិយស សូមជម្រាប់ជូនសាធារណៈជនជ្រាប់ថា អង្គភាពយើងខ្ញុំសព្វថ្ងៃមាន facebook Page ផ្លូវការចំនួន៥ សម្រាប់ផ្សាយបន្តជូន។

សូមបញ្ជាក់ថា គេហទំព័រ ផែនដីថ្មី ជាអង្គភាពព័ត៌មានមួយត្រូវបានទទួលស្គាល់តាមប្រកាសលេខ ១១៤ ព.ម,ប្រក ចុះថ្ងៃទី១៣ ខែសីហា ឆ្នាំ២០១៤ របស់ក្រសួងព័ត៌មាន ដែលមានលោកស្រី តន សម្បត្តិ ជាចាងហ្វាងការផ្សាយនិងជានិពន្ធនាយកផងដែរ៕