ព័ត៌មានថ្មីៗ
Home / ព័ត៌មានអន្តរជាតិ

ព័ត៌មានអន្តរជាតិ

ទីក្រុង​ហូ​ជី​មី​ញ​និង​ហាណូយ​៖ជំងឺគ្រុនឈាម​កើនឡើង​ខ្លាំង

ទីក្រុង​ហី​ជី​មី​ញ របស់​វៀតណាម​បាន​រាយការណ៍​អំពី​ករណី​ជំងឺ​គ្រុនឈាម​ចំនួន ២៤.០០០​ករណី​នៅក្នុង​រយៈពេល​៦​ខែ​ដំបូង​នៃ​ឆ្នាំ​នេះ ដោយ​មាន​ការកើនឡើង​ចំនួន​១៧៦​ភាគរយ​បើ​ប្រៀបធៀប​ទៅ​នឹង​រយៈពេល​ដូចគ្នា កាលពី​ឆ្នាំមុន​។​ ​ ​ស្ថិតិ​ផ្លូវការ​ក៏​បាន​បង្ហាញ​ផង​ដែរ​ថា​ចំនួន​ករណី​នេះ​បាន​កើនឡើង​ជា​បន្តបន្ទាប់​ចាប់តាំងពី​សប្តាហ៍​ទី​១​នៃ​ខែ​មិថុនា ដោយ​ស្រប​ពេល​ការចាប់ផ្តើម​ភ្លៀង​ក្នុង​រដូវវស្សា​នៅ​វៀតណាម​ខាងត្បូង ។​ ​លោក​វេជ្ជបណ្ឌិត Nguyen Tri Dung ប្រធាន​មជ្ឈមណ្ឌល​ការពារ​ជំងឺឆ្លង​ក្រុង​ហូជីមិញ​បាន​និយាយថា ភ្លៀង​ធ្លាក់​បន្តបន្ទាប់​ដែល​រួមផ្សំ​ជាមួយនឹង​អាកាសធាតុ​ក្តៅបង្កើត​លក្ខខណ្ឌ​អំណោយផល​សម្រាប់ស​ត្វមូស​ក្នុងកា​រ​ចម្លង​ជំងឺគ្រុនឈាម​នេះ​។​ ​ទីក្រុង​ដែល​ជា​ទីក្រុង​ធំ​បំផុត​របស់​វៀតណាម​ជាមួយ​នឹង​ប្រជាជន​ចំនួន​១៣​លាន​នាក់​នេះ​បាន​រាយការណ៍​ថា​មាន​ករណី​ជំងឺគ្រុនឈាម​ច្រើនជាងគេ​បំផុត​នៅ​ប្រទេស​នេះ​នៅ​ឆ្នាំ​នេះ​។​ ​នៅ​ក្រុង​ហាណូយ អ្នក​កើត​គ្រុន​ឈាន​នៅ​ឆ្នាំ​នេះ​កើន​មួយ​ជា​បី គឺ​មាន​អ្នក​ចូល​ព្យាបាល​គ្រុន​ឈាន​នៅ​តាម​មន្ទីរពេទ្យ​ចំនួន​៥៤៨​នាក់ គិត​មក​ត្រឹម​ពាក់កណ្តាល​ខែ​មុន តែ​មិន​ ​មាន​របាយការណ៍​អំពី​អ្នក​ស្លាប់​ដោយ​ជម្ងឺ​នេះ​នៅ​ហាណូយ​នៅឡើយ​ទេ​។​ ​បើ​តាម​សារព័ត៌មាន​វៀតណាម ក្នុង​៦​ខែ​ដើមឆ្នាំ​នេះ​នៅ​ទូទាំង​ប្រទេស​វៀតណាម​មា​ន​អ្នក​កើត​គ្រុនឈាម​ជាង​៦៤.០០០​នាក់ និង​អ្នកស្លាប់​ដោយ​គ្រុនឈាម​១១​នាក់​។​ ​ទោះ​ជា​ឆ្នាំ​នេះ​អ្នក​កើត​គ្រុនឈាម​នៅ​វៀតណាម​កើនឡើង តែ​វា​នៅ​ទាប​ជាង​តួលេខ​ពេញ​មួយឆ្នាំ​២០១៧​ឆ្ងាយ ដោយ​ពេល​នោះ​មនុស្ស​១៨៣.២៨៧​នាក់​កើត​គ្រុនឈាម និង​៣០​នាក់​បាន​ស្លាប់​៕

អានបន្ត »

អាម៉េរិក៖នាវា​ផ្ទុក​យន្តហោះ​និង​យន្តហោះ​B-52 ហ្វឹក​ហាត់​វាយប្រហារ​ព្រម​គ្នា​នៅ​ជិត​អ៊ីរ៉ង់​

សមយុទ្ធ​យោធា​អាម៉េរិក​ត្រូវបាន​ធ្វើឡើង​ចំ​ពេល​មាន​ភាព​តានតឹង​ចេះតែ​កើន​ឡើង​រវាង​រដ្ឋាភិបាល​ក្រុង​វ៉ាស៊ីនតោន​និង​តេ​អេ​រ៉ង់ ដោយ​អាម៉េរិក​បាន​បញ្ជូន​ក្រុម​នាវា​ផ្ទុក​យន្ត​​ហោះ​មួយ​ទៅ​កាន់​តំបន់​មជ្ឈិមបូព៌ា​កាលពី​ខែ​មុន និង​បាន​អះអាងថា វា​ជា​ការឆ្លើយតប​នឹង​ព័ត៌មាន​ចារកម្ម​ដែលថា អ៊ីរ៉ង់​គំរាម​ផលប្រយោជន៍​អាម៉េរិក​នៅ​តំបន់​នោះ​។​ ​នៅក្នុង​សេចក្តីថ្លែងការណ៍​មួយ កងទ័ពអាកាស​អាម៉េរិក​បាន​និយាយថា នាវាចម្បាំង​The USS Abraham Lincoln យន្តហោះ​ចម្បាំង​និង​ឧទ្ធម្ភាគចក្រ ព្រមទាំង​យន្តហោះ​​ទម្លាក់​គ្រាប់បែក​យុទ្ធសាស្ត្រ​ធុន B-52 បាន​ធ្វើ​សមយុទ្ធ​រួមគ្នា​នៅ​ក្នុង​សមុទ្រ​អារ៉ាប់​។​ រដ្ឋមន្ត្រីការបរទេស​អាម៉េរិក ​លោក​ម៉ៃ ផ​ម​ផេវ សមយុទ្ធ​នេះ​ត្រូវបាន​ធ្វើឡើង​កាលពី​ថ្ងៃ​សៅរ៍​ទី​០១​មិថុនា ជា​«​ប្រតិបត្តិការ​វាយប្រហា​រ​ព្រម​គ្នា​»​និង​មាន​ការចូលរួម​ពី​យន្តហោះ​នៅ​លើ​នាវា​ផ្ទុក​យន្តហោះ​F/A-18 Super Hornets​ឧទ្ធម្ភាគចក្រ MH-60 Sea Hawk យន្តហោះ E-2D Growlers​និង B-52​ដែល​មាន​សមត្ថភាព​ផ្ទុក​គ្រាប់បែក​នុយក្លេអ៊ែរ​។​ ​កាលពី​ថ្ងៃអាទិត្យ រដ្ឋមន្ត្រីការបរទេស​អាម៉េរិក ​លោក​ម៉ៃ ផ​ម​ផេវ បាន​និយាយថា អាម៉េរិក​មានបំណង​ពិភាក្សា​ជាមួយ​អ៊ីរ៉ង់​ដោយ​គ្មាន​លក្ខខណ្ឌ​ជាមុន ក្នុង​កិច្ចខិតខំ​មួយ​ដើម្បី​​បន្ធូរបន្ថយ​ភាព​តានតឹង​ដែល​កំពុង​បង្ក​ឲ្យមាន​ការភ័យខ្លាច​អំពី​ការផ្ទុះ​សង្គ្រាម​។​តែ​លោក​បាន​បញ្ជាក់ថា អាម៉េរិក​មិន​បន្ធូរដៃ​ក្នុង​ការដាក់​សម្ពាធ​លើ​សាធារណរដ្ឋ​អ៊ីស្លាម​​នេះ​ដើម្បី​ឲ្យ​ផ្លាស់ប្តូរ​អាកប្បកិរិយារ​បស់​ខ្លួន​នៅ​មជ្ឈិមបូព៌ា​នោះទេ​។​ ​លោក​ផ​ម​ផេវ បាន​អះអាង​ឡើងវិញ​អំពី​ការចោទប្រកាន់​របស់​អាម៉េរិ​កថា អ៊ីរ៉ង់​ជា​អ្នក​ធ្វើ​ឲ្យ​បាត់​ស្ថិរភាព​ក្នុង​តំបន់ តែ​ក៏​បាន​លើកឡើង​អំពី​លទ្ធភាព​នៃ​ការជួប​ពិភាក្សាគ្នា​​ផងដែរ​។​តែ​រដ្ឋមន្ត្រី​ការបរទេស​អ៊ីរ៉ង់​បាន​ចោទប្រកាន់​សម​ភាគី​អាម៉េរិក​ថា​កំពុង​«​លេង​សម្តី​» និង​បាន​និយាយថា​ការផ្លាស់ប្តូរ​ណាមួយ​ត្រូវ​បង្ហាញឲ្យឃើញ​ជាក់ស្តែ​ង​ មិនមែន​​មាន​តែ​សម្តី «​ដើម្បី​កិច្ចពិភាក្សា​ណាមួយ​អាច​កើតមាន​»​។​ ​មុន ​ប្រធានាធិបតី​អ៊ីរ៉ង់​បាន​និយាយថា រដ្ឋាភិបាល​ក្រុងតេអេ​រ៉ង់​មានបំណងច​រចាជាមួយ​អាម៉េរិ​ក បើសិនជា​រដ្ឋាភិបាល​ក្រុង​វ៉ាស៊ីនតោន​បង្ហាញ​ការគោរព​អ៊ីរ៉ង់​និង​ធ្វើ​តាម​ច្បាប់​​អន្តរជាតិ​៕​

អានបន្ត »